Rusiyede uçucısız uçaqlarnıñ ücüm etkenini bildireler — Taman limanı, Temrük rayonındaki müessiseler ve Yaroslavldeki sanayı obyektine ücüm etilgen.
Rusiye Federatsiyasınıñ Krasnodar ülkesiniñ operativ ştabı Temrük rayonınıñ Volna qasabasındaki şirketlerden birinde "dron tüşkenini" bildirdi, anda yanğın çıqqan.
Daa bir insan Taman stantsiyasına yapılğan ücümde yaralandı.
"Krımskiy veter" telegram kanalı uydu malümatına atıf eterek, yanğın Taman limanındaki neft bazasında yüz berdi, dep yaza.
Rusiye Federatsiyasınıñ Yaroslav vilâyetiniñ gubernatorı Mihail Yevrayev bildirdi ki, Yaroslavda urulıp tüşürilgen uçaqnıñ parçaları sanayı obyektine tüşti, kimse zarar körmedi.
Rusiye Mudafaa nazirligi bildire ki, keçken gece Belgorod, Brânsk, Voronej, Kursk, Rostov, Tambov, Râzan, Astrahan vilâyetleri, Krasnodar ülkesi, Kalmıkistan Cumhuriyeti, ilhaq etilgen Qırım ve Azaq ve Qara deñizlerniñ üzerinde 286 Ukrayin uçucısız uçaq zararsızlandırıldı.
Ukraina tarafı bu beyanatlarnı şimdilik izaatlamadı.
Ukrayinağa qarşı Rusiyeniñ keñ kölemli basuvı başlanğan soñ Rusiyede ve o, işğal etken topraqlarda çeşit obyektler ava ücümlerine oğray. Eñ sıq 2024 ve 2025 seneleri ücüm sebebi cermay zavodları ola. Ukrayinanıñ işğal altındaki topraqlarında da Rusiye obyektleri ücümlerge oğray.
Ukrayina Silâlı quvetleriniñ Baş ştabı darbelerniñ büyük qısmını tasdıqlap, Ukrayina Mudafaa quvetleri "Rusiye işğal ordusınıñ arbiy küçüni eksiltecek, Rusiyeni Ukrayinağa qarşı silâlı istilâğa mecbur etecek tedbirlerni muntazam sürette ala", dep bildire.