Rusiye tutqan qırımlı siyasiy mabüslerniñ coğrafiyası kenişlemege devam ete, bu da halqara gumanitar uquq normalarını boza ve soy-soplarınıñ başına belâ ketire. Bu aqta «KrımSOS» aq qorçalayıcı teşkilâtınıñ talilcisi Yevğen Yaroşenko «Kremlniñ siyasiy mabüsleri: Rusiye apiste tutqan ukrayınalılar ne alda?» matbuat konferentsiyasında tarif etti.
«Köremiz ki, ceza çeküv coğrafiyası arta. Halqara gumanitar uquq normalarına köre, şahıs cinayet yapsa bile, onı işğal etilgen topraqta tutmaq kerekler, ve işğal etilgen topraqta cezasını çekmeli», – dep ayttı Yaroşenko.
Onıñ bildirgenine köre, Rusiye Federatsiyası qırımlı mabüslerni Salavat (Başqortostan), Şimaliy Kavkaz ve Priuralye regionlarına alıp kete.
«Soñki vaqıtları qayd etemiz ki, siyasiy mabüsler Çelâbinsk vilâyeti ve Krasnoyarsk ülkesi kibi regionlarğa çıqarıla», – dep qoştı talilci.
Yaroşenko qayd etkenine köre, siyasiy mabüs qırımlılarnıñ qorantaları içün «mabüslerni ziyaret etmek pek paalı çıqa. Salavatqa barıp çıqmaq içün bile çoq vaqıt kerek. Qırımdan 2,5 biñ kilometr bar».
Bundan ğayrı, siyasiy mabüslerniñ aileleri advokat hızmetlerinden faydalanuvda zorluq çeke. «Qırımdaki advokatlarnıñ episi maddiy sıñırlavlar ve diger siyasiy davalarda meşğul olğanı sebebinden müvekkillerini ziyaret etmek içün Ural ya da Sibirge barıp olamay. Şunıñ içün qorantaları yañı yerlerde advokat qıdırmağa mecbur ola», – dedi ekspert.
«Qırım birdemligi» Qırım aq qorçalayıcı birleşmesiniñ malümatına köre, aq qorçalayıcılarnıñ aytqanına köre, siyasiy sebeplerden taqip etilgen qırımlı siyasiy mabüslerniñ tahminen 80 fayızı Rusiye apishanelerine sürgün etildi. 190-dan 150 – Rusiye apishanelerine avuştırılğan qırımlı siyasiy mabüslerniñ sayısı.
Your browser doesn’t support HTML5
Правозащитники: из Крыма в Россию этапировано 150 политзаключенных
Ukrayına prezidentiniñ Qırım Muhtar Cumhuriyetindeki daimiy vekili Tamila Taşeva Qırım.Aqiqatnıñ sualine cevap berip, 2023 senesi dekabr ayınıñ soñunda 191 Qırım sakini siyasiy sebeplerden azatlıqtan marum etildi, 123-ü qırımtatarı ola.
Dekabrniñ 19-nda Ukrayına prezidenti Volodımır Zelenskıy matbuat konferentsiyası vaqtında Kremlniñ qırımlı reinelerini azat etüv vaziyeti, hususan Qırım.Aqiqatnıñ serbest jurnalisti Vladimir Yesipenkonıñ azat etilüvi «zor» qala.
«Qırım platformasınıñ» sammitinde iştirak etken ZMINA İnsan aqları merkezi ve Qırım aq qorçalayıcı gruppasınıñ aq qorçalayıcıları qayd etkenine köre, vatandaşlar, şu cumldene işğal etilgen Qırımdan siyasiy mabüsler cenk esirlerinden daa az deñiştirile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.