Rusiye ilhaq etilgen Qırımda yañı silâ anbarlarını açıp, eskilerini ğayrıdan tamirley. Hususan, Agarmış dağınıñ eteginde. Silâ anbarlarını avuştırmaq içün işler alıp barıla. Bunı Qırımtatar Resurs Merkeziniñ reisi Eskender Bariyev bildirdi.
"O yerge (Agarmış dağınıñ eteginde) olar vatandaşlarnı yibermeyler. Ve bir taraftan, olar deyler ki, bu, qattı ev atığı saqlavı içün, diger taraftan ise, qattı ev atığı saqlavı pek faal şekilde qorçalanmay. Ve bu sebepten anda İslâm Terek rayonından silâ anbarlarını avuştırmaq içün yañı anbarlar qurğanlarına dair tahminler bar. Çünki İslâm Terek rayonına defalarca ZSU tarafından ücüm etilgen edi", — dep tarif etti o FREEDOM telekanalınıñ yayınında.
Bariyev, Ukrayina istihbaratınıñ Rusiye tarafından "Feodosiya-13" özek silâsınıñ terkibiniñ ğayrıdan tiklenüvi aqqında malümatına da izaat berdi.
"Biz defalarca aytqan edik ki, 2014 senesinden başlap, olar, hususan, özek silâ başlıqları yerleşe bilecek sovet devirinde qurulğan obyektlerni ğayrıdan tiklemege başladılar. Aynı zamanda, Qırım territoriyasında özek silâsınıñ bar olğanını şimdilik tasdıqlap olamayım. Kefe aqqında aytsaq, mında Qızıltaş ve Koktebel rayonlarında, o yönelişte, anda kerçekten de sovet devirinde azırlağan ediler, anda atta böyle katakombalar bar, olar, hususan, Eski Qırımğa qadar keteler", — dep qayd etti QMC reisi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.