Rusiye akimiyeti işğal etilgen Qırımda tahqiqat izolâtorlarınıñ ağını kenişletmekni planlaştıra. Qırım aq qorçalayıcı gruppasınıñ reberi Olğa Skrıpnıknıñ bildirgenine köre, Rusiye ükümetiniñ "Cinayet-icra sistemasınıñ inkişafı" programmasına yañı SİZO qurucılığı ve mevcüt soylarınıñ quvetiniñ arttırılması kirsetilgen.
Onıñ aytqanına köre, izolâtorlarnı kenişletme ğayesi çoqtan muzakere etilip kelgen, amma yer yetmey edi. "Yañı tahqiqat izolâtorlarınıñ qurulması aqqında qarar köremiz. Yani, söz tek bar olğanlarnıñ keñişletilmesi ve ğayrıdan donatılması aqqında degil de, yañı — bayağı büyük soyunıñ qurucılığı aqqında da kete", — dep qayd etti Skrıpnık.
2014 senesine qadar Qırımda Aqmescitte bir SİZO çalışa edi. Amma 2015 senesi Rusiye akimiyeti daa ekisiniñ qurucılığına başladı. Olarnı 2022 senesi açtılar, ve anda, hususan, yañı işğal etilgen topraqlarnıñ sakinlerini yerleştireler, dep qayd ete o.
Aq qoruyıcı qayd ete ki, 2-nci ve 8-nci SİZO-larnı cezalarnı yerine ketirüv hızmeti degil de, FSB idare ete. "Bu FSB insanlarnıñ itiraflarını talap etmek içün qullanğan izolâtorlar", — dey o.