Rusiye telükesizlik hadimleri Qırımnıñ Saq rayonınıñ sakinini Telegram mesencerinde yazılğan "terrorizmge ve Rusiyege qarşı raketa darbelerine çağıruvlarda" qabaatladı. Bu aqta Rusiye kütleviy haber vastaları Rusiye FSB-siniñ Qırım ve Aqyar idaresine atıf etip yaza.
Berilgen malümatqa köre, 1980 senesi doğğan erkek tutulğan, oña sıñırlav tedbiride artıq tayın etilgen. Ne vaqıt yaqalanğanı ve ne yazğanı belli degil. Adı ve soyadı bildirilmey, onıñ açıq izaatları da yoq.
Проверить достоверность утверждений силовиков РФ с помощью независимых источников в условия войны затруднительно. В случае, если вину мужчины докажут в российском суде, ему грозит до 7 лет лишения свободы по части 2 статьи 205.2 Уголовного кодекса России. (Публичные призывы к осуществлению террористической деятельности в интернете).
Rusiye quvetçileriniñ aytqanlarını mustaqil menbalar yardımınen teşkermek cenk şaraitlerinde qıyın. Erkekniñ qabaatı Rusiye mahkemesinde isbatlansa, o, Rusiye Ceza kodeksiniñ 205.2 maddesiniñ 2-nci qısmına istinaden 7 yılğa qadar azatlıqtan marum etilmesi mümkün.
Daa evel Ukrayina prezidentiniñ Qırım Muhtar Cumhuriyetindeki temsilciligi, Roskomnadzor Rusiye Federatsiyası tarafından işğal etilgen Ukrayina topraqlarında, şu cümleden Qırımda, informasion boşluq üzerinde nezaretni quvetleştire, dep bildirgen edi.
Rusiyede ve onıñ tarafından işğal etilgen topraqlarda quvetçiler Ukrayina tarafdarlarını taqip eteler. Rusiye tarafdarı olğan Qırımlı bloger Aleksandr Talipov öz telegram kanalında Ukrayinağa qol tutqan Qırımlılarnıñ şahsiy malümatlarını derc ete. Böyle şikâyetlerniñ neticesinde Qırımlılar RF ordusını "itibardan tüşürüv" içün yaqalana ve memuriy ve cinaiy mesüliyetke çekile.