Rusiye akimiyeti saban ayınıñ 27-nde Qırımnıñ Saq rayonınıñ Şelkoviçnoye köyünde Rusiye quvetçileriniñ talimleri keçirilecegini ilân etti. Bu aqta Rusiyege boysunğan rayon memuriyeti içtimaiy ağlardaki saifelerinde haber etti.
"2026 senesi saban ayınıñ 27-nde saat 10:00-16:00 saatları arasında Saq rayonınıñ Şelkoviçnoye köyünde quvet qurulışlarınıñ antiterror boyunca ortaq talimleri keçirilecek. Ögrenüv vaqtında transport ve piyadelerniñ areketi Mıteyev köyüniñ Şelkovıçnoye mesken yeriniñ memuriy sıñırlarında qapatılacaq", — denile beyanatta.
Qırımtatar resurs merkezi, Qırımda 2025 senesi Rusiye ordusı eñ azından 70 arbiy talim keçirgenini bildirgen edi. Bunıñen beraber, QRM-niñ evelki bildirüvlerine köre, talimlerniñ çoqusı keçken seneniñ birinci yarısında keçirildi — iyülniñ soñunda, 2025 senesiniñ başından berli 6 ay içinde RF arbiyleri 45 talim keçirgenini bildirdiler.
QRM, 2024 senesine nisbeten talimlerniñ sayısı eksilgenini qayd ete, o vaqıt eñ az 124 tedbir qayd etilgen edi. Aynı zamanda, 2025 senesine nisbeten köstergiç, 2023 senesine nisbeten daa yüksek, o vaqıt 40 talim keçirildi, 2022 senesine ise 20 talim.