Rusiye quvetçileri Aqyarnıñ Balıqlava rayonında qırımtatar Fazır Emirüseinovnıñ evinde tintüv keçireler, dep haber ete "Qırım birdemligi" cemaat birleşmesi.
"Faal qırımtatarlarğa qarşı siyasiy motivli davalarda makheme oturuşlarına qatnay ve olardan birinde mudafaa tarafınıñ şaatı olğan edi", - dep haber etile bildirmede.
Tintüv sebebi daa belli degil.
Uquq qoruyıcılarnıñ yazğanı kibi, 2021 senesi sentâbr ayında Emirüseinov Rusiye Federatsiyası Federal telükesizlik hızmetiniñ binası ögünde yaqalanğan ve 7 biñ ruble cöreme alğan edi. O zaman mahsus hızmetlerniñ hadimleri Eldar Odamanov, Asan ve Aziz Ahtemovlarnıñ, Şevket Üseinov ve Nariman Celâlnıñ evlerinde tintüv keçirgen edi.
Onlarnen insan, şu cümleden soy-soplar, jurnalistler ve advokatlar yaqalanğan kişiler aqqında malümat talap etip, FSB binasına kelgen ediler. Neticede olardan 50 adam yaqalanğan edi.
Qırımda Rusiye uquq qoruyıcılarınen işbirligi yapqan Rusiye tarafdarı bloger Aleksandr Talipov adiseni «diversiya» dep adlandırdı. Onıñ malümatına köre, «patlav olmadı, qaynaqnen çalışıp, bir qısmını kesip alğanlar». O, «şübheliler belli, operativ tedbirler keçirile», dep ayttı. Rusiye uquq qoruyıcıları adiseniñ sebepleri aqqında bir malümat bermedi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.