Qırımda Rusiye quvetçileri, Rusiye arbiy obyektleri, ava mudafaası ve ve deñiz ticaret limanında yük gemileriniñ areketi aqqında Ukrayina htelükesizlik hızmetine malümat bergeninde qabaatlanğan Kefe sakinini tuttılar. Bu aqta Rusiye kütleviy haber vastaları Rusiye FSB-sine atıf etip bildire.
"Ukrayina telükesizlik hızmeti ve Ukrayina mudafaa nazirliginiñ baş istihbarat idaresiniñ vekillerinen bağ qurğan ve arbiy obyektlerniñ bölükleri yerleşken yerler ve ava mudafaasınıñ yerleşken yeri aqqında malümat bergen Kefe sakini tutuldı", — dep bildire "RİA Novosti Krım".
Berilgen malümatqa köre, şimdilik erkek apiske alındı, oña qarşı Rusiye Ceza kodeksiniñ 275 maddesine istinaden cinaiy iş açıldı. Tutulğan kişiniñ adı ve soyadı aytılmay, onıñ bu dava boyunca mevamı ise bildirilmey. Rusiye mahkemesinde qabaatı isbatlansa, oña ömür boyu apis cezası berile bile.
"KrımSOS" aqqoruyıcı teşkilâtınıñ malümatına köre, 2024 senesi eñ az 56 qırımlı Rusiye akimiyeti tarafından taqip etilgen edi. Cinaiy davalar içün sebepler olaraq Rusiye Federatsiyasında yasaq etilgen teşkilâtlarnen alâqalar, devlet hainligi, casuslıq, açıq beyanatlar, diverssiya teşkil etüv ya da zorbalıqqa çağıruvlar şeklinde qabaatlavlar qullanıla.