Rusiye Federatsiyasınıñ Mudafaa nazirligi eñ az 5 uçucısıznıñ Qırımğa ve bir uçucısıznıñ Qara deñizge ücümi aqqında bildirdi, ağda Rusiye Federatsiyasınıñ ava mudafaa işi ve yarımadada bir qaç patlav aqqında yazalar.
Rusiye arbiy müessisesi bildirgenine köre, dronlar Rusiye Federatsiyasınıñ ava mudafaası tarafından saat 9:00-dan ve 14:00-ke qadar uruldı. Qayda oldı aytılmay, Rusiye Mudafaa nazirligi bir delil de köstermey.
Bunıñnen beraber, "Krımskiy veter" Telegram kanalı yerli sakinlerniñ malümatına esaslanıp, "Gvardeyskoye" Rusiye arbiy uçaq alanı rayonında bir qaç patlav ve Rusiye ava mudafaasınıñ iş sesleri aqqında bildirdi. Rusiye monitoring kanalları bu rayonda uçucısız telükesi aqqında yazdı. Bu haberlerniñ doğrulığını cenk vaziyetinde mustaqil menbalar vastasınen tasdıqlamaq imkânsız ola.
Ukrayina arbiyleri vaziyetni şimdilik izaatlamadı.
2022 senesinden başlap yarımadağa er kün ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etilgenini tasdıqlamay.
Ukrayina Silâlı quvetleriniñ Baş ştabı ücümlerniñ çoqusını tasdıqlap, Ukrayina Mudafaa quvetleri "Rusiye işğalci ordusınıñ imkânlarını zayıflatmaq ve Rusiyeni Ukrayinağa qarşı silâlı istilâsını toqtatmasına mecbur etmek içün muntazam sürette areketler yapa", dep bildire.