Rusiye, Beyazrusiye, Qazahistan, Qırğızistan, Tacikistan ve Özbekistan baş prokurorları terrorizm ve ekstremizm ile küreş işbirligi añlaşmasını imzaladılar, dep bildire RBK.
Añlaşmağa köre, bu memleketlerde terrorist ya da ekstremist tanılğan teşkilât ya da insanlar aqqında "malümat birden berilecek". Bundan ğayrı, taraflar "devletlerniñ suverenitetine qast etüv ya da ola bilecek terror ücümleri aqqında" haber etmege añlaştılar.
Rusiyede ekstremizm ve terrorizm maddeleri siyasiy taqip içün de qullanıla. Meselâ, apiste elâk olğan mabüs Aleksey Navalnıy qurğan "Qabarcılıqnen küreş fondu" em "ekstremist", em "terrorist" teşkilâtı olaraq tanıldı. Rusiyede "LGBT halqara areketi" ve çalışmağan "Halqara satanizm areketi" "ekstremist" dep ilân etildi.
"Mediazona" neşiriniñ esaplarına köre, 2026 senesi baarine qadar Rusiyeniñ 64 regionında "Qabarcılıqnen küreş fonduna" para bergenlerge qarşı "ekstremizmni maliye etüv" boyunca eñ az 225 cinaiy dava açıldı.
2026 senesiniñ ilk altı ayı devamında Rusiyede 2025 senesiniñ aynı müddetine köre terror maddelerine istinaden üküm etilgenlerniñ sayısı tez arttı. Yarım yıl içinde eñ az 1234 insan üküm etildi.