Rusiye ordusınıñ Mıkolayiv vilâyetiniñ ateşke tutması neticesinde sekiz yaşındaki bir bala öldi, bir qaç adam yaralandı, dep haber etti vilâyet şurasınıñ reisi Anna Zamazeyeva.
"Bugünki saba pek qıyındır. Ateşke tutmalar devam ete. Yazıq, zarar körgenler bar. Eki kişi Mıkolayivde, dört kişi Bereznegovatıy şeerinde yaralandı. Olarnın arasında eki bala. Bir bala öldi", - dedi haber etti o.
Aynı zamanda Mıkolayiv şeer başı Oleksandr Senkevıç ateşke tuma neticesinde şeerde bir qadın yaralanğanını bildirdi.
"Saat 11:30 Mıkolayivde patlav sesleri eşitildi. Şeerniñ rayondarından birinde garajlarğa barıp urması malüm oldı. Anda yanğın peyda oldı. Qurtarıcılar onı söndürmege tırışalar. Bundan ğayrı patlavdan sebep mesken evniñ pencere ve qapıları da parlandı. İlk malümatqa köre, bir qadın yaralanğan", - dedi o.
Mıkolayiv ve Mıkolayiv vilâyetini rusiye ordusı er kün ateşke tuta.
Bir çoq delillerge baqmadan, Rusiye Ukrayinadaki vatandaş obyeyektlerni ateşke tutmağanını bildire.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.