Ukrayina "Cenüp" operativ komandanlığınıñ spikeri Natalâ Ğumenük Rusiye ordusınıñ Qırımda logistika meseleleri kettikçe arta dep bildirdi.
"Yarımada kettikçe logistik añlamda adağa çevirile. Çünki logistika mürekkep ve yavaştır. Çünki alâ daa onıñ ömürge keçirilmesi içün yollar bar. Amma o artqaç yüklengen, çünki arbiy ihtiyaclar vatandaşlarnen aynı yollarnı qullanalar", - dep bildirdi o.
Evel Ğumenük, esas naqliyat yolları köpürlegre bağlı olğanı içün RF ordusınıñ logistikası "yavaş ve mürekkeptir" dep bildirgen edi.
Avgustnıñ 12-nde saat 13:00-te Keriçte bir qaç patlav sesi eşitilgen. Bunı Qırım.Aqiqat mühbiri bildirdi. Haber etilgeni kibi, patlavdan sebep şeerniñ merkezindeki evlerde pencere camları titregen.
Yerli telegram kanalları Keriç köprü etrafında tüsses foto ve videolarını yayınladı. Aksönovnıñ mesleatçısı Oleg Krüçkovnıñ biraz soñra bildirgeni kibi, bu "mahsus hızmetlerniñ tüsses peredsidir".
RF Mudafaa nazirliginde Qırım (Keriç) köprüne C-200 zenit raketası ile darbe endirmege tırıştılar dep bildireler.
Avgustnıñ 12-ne keçken gecesi Qırımğa dronlar ile ücüm etilgen. Bunı Qırımnıñ Rusiye yolbaşçısınıñ mesleatçısı Oleg Krüçkov bildirdi.
Ukrayina "Cenüp" operativ komandanlığınıñ spikeri Natalâ Ğumenük gece Qırımğa dronlar ücümi ile bağlı Rusiyeniñ bildirmesini izaatladı. Onıñ sözlerine köre, bu bildirmeler ilk nevbette yarımada sakinleri içündir.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.