Noyabrniñ 10-nda aqşamdan başlap ve noyabrniñ 11-ne keçer gecesi Rusiye ordusı Ukrayinağa 119 Shahed, “Gerber” ve diger darbe uçucısızlarnen ücüm etti, dep haber ete Ukrayina Silâlı quvetleriniñ Ava küçleri. Ukrayina arbiyleri qayd etkenine köre, dronlar Rusiyeniñ dört yönelişindden ve işğal etilgen Qırımnıñ Sarabuz qasabasından uçurıldı.
İlk malümatqa köre, saat 09:30-ğa qadar Ukrayina ava mudafaası memleketniñ şimali, şarqı ve cenübinde 53 uçucısıznı zararsız alğa ketirdi.
Ukrayina arbiyleri 18 yerde 59 darbe uçucısızınıñ ücümini ve bir yerde tüşürilgen parçalarnı qayd etti. Ücüm devam ete, avada bir qaç Rusiye uçucısızı bar.
Darbeniñ esas yönelişi Ukrayina Silâlı quvetleriniñ Ava küçleri – Donetsk, Harkiv, Dnipropetrovsk ve Odesa vilâyetleriniñ cebege yaqın yerleri.
Rusiye Mudafaa nazirligi bu darbeni şimdilik izaatlamadı.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.