Rusiye arbiyleri Hersonda marşrutkağa ücüm etti, neticede bir insan elâk oldı, beş kişi yaralandı, dep bildirdi vilâyetniñ arbiy memuriyetiniñ yolbaşçısı Aleksandr Prokudin.
Şeerniñ arbiy memuriyetinde, ilk malümatqa köre, elâk olğan kişi avtobus aydavcısı, onıñ şahsiyetini mütenasip hızmetler belgiley, dep qoştılar.
Zarar körgenlerniñ mayin ve patlav yaraları bar, dep haber etile.
OVA yolbaşçısı şunı da bildirdi ki, keçken künü Herson vilâyetinde Rusiye ücümleri neticesinde üç insan elâk oldı, daa 10 yaralandı.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.