Boş aynıñ 10-na keçken gecesi Rusiye arbiyleri Ukrayinağa eki X-47M2 "Kinjal" aerobalistik raketaları, beş S-300/S-400 zenit idare etici raketalar, 67 ücüm pilotsız uçaq, olardan tahminen 40-ı "Şahed2 edi, ile ücüm etti. Uçaqlarnıñ bir qısmı işğal etilgen Qırımnıñ Sarabuz qasabasından uçurıldı, dep bildirdi Ukrayina Arbiy ava quvetleri.
İlk malümatqa köre, saat 9:30-larda olğan malümatqa köre, ava mudafaası tarafından Şarqiy, Cenübiy ve Merkeziy Ukrayinada 52 "Şahed", "Gerber" ve diger dronlar urulıp tüşürildi.
Arbiylerniñ malümatına köre, doquz yerde 15 ücüm pilotsız uçaq urulğanı qayd etildi, lâkin ne yerde olğanı belli degil.
Rusiye arbiyleri çeşit silâ qullanıp, muntazam sürette Ukrayina bölgelerine ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infraterkibine ücün etkenini, vatandaş ealisini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.