Boş aynıñ 12-ne keçken gecesi Rusiye ordusı Ukrayinağa 121 pilotsız uçaqnen ücüm etti, olardan 70-ke yaqını "Şahed" edi, dep bildirdi Ukrayina Silâlı quvetleriniñ Ava quvetleri. Olarnıñ bir qısmı işğal etilgen Qırımnıñ Çauda burnu ve Sarabuz qasabasından uçurıldı.
İlk malümatqa köre, saat 09:00-ğa qadar ava mudafaası tarafından memleketniñ şimalinde, şarqında, cenübinde ve merkezinde Şahed, Gerber ve diger çeşitlerdeki 90 duşman pilotsız uçağı urulıp tüşürildi", — dep aytıla haberde.
Ukrayina arbiyleri aytqanı kibi, 19 yerde 31 pilotsız uçaq barıp urdı, bir yerge ise parçalar tüşti.
Rusiye Mudafaa nazirligi bu darbeni şimdilik izaatlamadı.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.