Rusiye Federatsiyasınıñ gece ücümi vaqtında Ukrayina arbiyleri 13 Shahed-136/131 pilotsız uçaqnı, idare etilgen X-59 ava raketasını ve türü belli olmağan bir ücüm dronnı yoq ettiler, dep haber ettiler Ukrayina Silâlı Quvetlerinde.
Ukrayina arbiyleriniñ malümatına köre, Shahedler Qırımdan Çauda burnundan uçurtılğan. Olarnıñ nişanı Ukrayinanıñ cenübiy, şarqiy ve merkeziy bölgeleri edi.
Keçken gecesi olğanı kibi Rusiye arbiyleri Zaporijjâ vilâyetiniñ işğal etilgen qısımında Su-34 uçağından X-59 raketasını qullandılar.
Bundan ğayrı ukrayinalı arbiyler büyük ihtimalnen şimaliy taraftan uçurtılğan türü belli olmağan bir dron aqqında bildirdiler.
Rusiye arbiyleri, top, toplu ateş raket sistemaları, dron ve raketalarnı qullanıp, Ukrayina şeerlerine muntazam sürette ateş aça. Delil ve şaatlıqlarğa baqmadan, Moskva Ukrayinada vatandaşlarğa qarşı ücüm yapqanını inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.