Rusiye ordusı iyün 12-ne keçken gecesi Kıyivge farqlı silâ qullanuvı ile qarışıq darbe endirdi, dep bildirdi Kıyiv şeer arbiy memuriyetiniñ yolbaşçısı Sergiy Popko.
"Duşman Tu-95MS strategik bombardımancılarınıñ bortlarından X-101/X-555/X-55 qanatlı raketalarını uçurdı. Bu raketalar Kıyivge bir qaç dalğa ile cenüpten kele edi. Raketalarnen aman-aman aynı vaqıtta paytahtqa aynı cenübiy yöñelişten duşmannıñ BPLA darbeleri keldi. Bu ücümni toqtatmaq içün duşman paytahtqa, ilk malümatlarğa köre, ballistik silâsını da yolladı", — dep qayd etti KGVA yolbaşçısı.
Onıñ aytqanına köre, Ukrayina ava mudafaası quvetleri bütün ava nişanlarını urdı. İlk malümatlarğa köre, zarar körgenler ve vşraneler yoq.
Popko şunı da qoştı ki, raketalarnıñ tam miqdarı ve çeşiti Ukrayina Silâlı quvetleriniñ Ava quvetleri esabatlarında bildirilecek. Olar bu malümatnı daa bermediler.
İyünniñ 12-ne keçken gecesi Kıyivde ava telükesi tahminen eki saat devam etti.
Rusiye arbiyleri çeşit silâlardan Ukrayina regionlarına muntazam surette ücüm ete.
Delillerge baqmadan, Moskva Ukrayinanıñ vatandaşlarına qarşı yapılğan ücümni inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.