Rusiye arbiyleri yanvarniñ 29-na keçer gecesi Ukrayinağa 105 darbe uçucısızınen ücüm etti, 70-i "Şahed" dronları, Rusiyeniñ dört yönelişinden, işğal etilgen Donetsk ve Qırımdaki Sarabuz qasabasından uçurıldı, dep haber etti Ukrayina Silâlı quvetleriniñ Ava küçleri.
"İlk malümatqa köre, saat 08:30-ğa qadar ava mudafaası memleketniñ şimali, cenübi, merkezi ve şarqında 84 Shahed, "Gerber", "İtalmas" ve diger 84 dronnı tüşürdi/bastırdı", – dep aytıla haberde.
Ukrayina arbiyleriniñ malümatına köre, yedi yerde 18 darbe uçucısızınıñ ücümi qayd etildi.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.