Rusiye ordusı yanvarniñ 19-na keçer gecesi (yanvarniñ 18-nde saat 18:00-den başlap) Ukrayinağa 145 darbe uçucısızınen ücüm etti, tahminen 90-ı – "Şahedler", dep haber ete Ukrayina Silâlı quvetleriniñ Ava küçleri. Bu haberge köre, dronlarnıñ bir qısmı işğal etilgen Qırımda Çavda burnundan uçurıldı.
Ukrayina arbiyleriniñ malümatına köre, saat 08:30-ğa qadar ava mudafaası 126 Rusiye uçucısızını zararsız alğa ketirdi.
Ukrayina arbiyleri 12 yerde 13 darbe dronınıñ darbesini qayd etti, beş yerde tüşürilgen uçucısız (parçaları) tüşti.
Ücüm devam ete, çünki ava boşluğında bir qaç Rusiye uçucısızı bar, dep qoşa Ukrayina Silâlı quvetleri.
Rusiye arbiyleri bu ücümni şimdilik izaatlamadı.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.