Rusiye ordusı gece Ukrayinağa "İskander-M" ve 99 darbe uçucısızınen ücüm etti, dep bildirdi dekabrniñ 26-nda saba Ukrayina Silâlı quvetleriniñ Ava küçleri.
Ukrayina komandanlığınıñ malümatına köre, raketa işğal etilgen Qırımdan uçurıldı, Shahed, Gerber ve diger darbe dronları Brânsk, Kursk, Primorsko-Ahtarsk ve işğal etilgen Qırımnıñ Sarabuz qasabasından uçurıldı.
"İlk malümatqa köre, saat 09:00-ğa qadar ava mudafaası memleketniñ şimali, cenübi ve şarqında 73 Shahed, Gerber ve diger uçucısıznı urıp tüşürdi/bastırdı", – dep aytıla haberde.
Ukrayina Silâlı quvetleriniñ Ava küçleri 16 yerde ballistik raketa ve 26 darbe uçucısızınıñ ücümini qayd etti.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.