Rusiye ordusı dekabrniñ 20-ne keçer gecesi Ukrayınağa «Şahed» 19 darbe uçucısızınen ve eki S-300 raketasınen ücüm etti, dep bildirdi Ukrayına Silâlı quvetleriniñ Ava quvetleri komandanlığı.
Ukrayına arbiyleriniñ malümatına köre, kamikadze dronları işğal etilgen Qırımdan uçurıldı, umumen Odesa, Herson, Dnipropetrovsk, Vinnıtsâ, Hmelnıtskıy, Kyiv, Çerniği ve Kirovoğrad vilâyetlerine 18 uçucısız tüşürildi.
Rusiye arbiyleri eki raketanı Belgorod vilâyetinden Harkiv vilâyeti tarafına uçurdı. Yaralanğanlar yoq, dep aytıla.
Harkiv şeer yolbaşçısı İğor Terehov «Harkivniñ eñ çoq zarar körgen rayonlarından birine eki darbe oldı», dep bildirdi. O, «gece raketa darbeleri naqliyat depolarından birine oldı, duşman ateşinden bir yer qurtulamadı», dep yazdı.
Ukrayına İç işler nazirliginiñ malümatına köre, Herson vilâyetinde uçucısızlarnıñ ücümleri neticesinde doquz insan yaralandı, aralarında dört bala bar edi. Eñ kiçigi eki yaşında. Üç çoq qatlı ev, tasil ve tibbiyet müessiseleri, altı maşina ve anbarlar zarar kördi, dep bildirdi o.
Ukrayına İç işler nazirliginiñ malümatına köre, Herson vilâyetinde uçucısızlarnıñ ücümleri neticesinde doquz insan yaralandı, aralarında dört bala bar edi. Eñ kiçigi eki yaşında. Üç çoq qatlı ev, tasil ve tibbiyet müessiseleri, altı maşina ve anbarlar zarar kördi, dep bildirdi o.
Rusiye arbiyleri, top, toplu ateş raket sistemaları, dron ve raketalarnı qullanıp, Ukrayina şeerlerine muntazam sürette ateş aça. Delil ve şaatlıqlarğa baqmadan, Moskva Ukrayinada vatandaşlarğa qarşı ücüm yapqanını inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.