Rusiye ordusı Harkiv vilâyetiniñ Kupânsk rayonındaki azıq tükânına raketa darbesini endirdi, dep bildirdi Ukrayına prezidenti Volodımır Zelenskıy Telegram kanalında.
Başta 48 ölü aqqında haber etildi, lâkin vilâyetniñ prokuraturası elâk olğanlarnıñ sayısı 49 oldı, bir bala bar, daa 7 insan yaralandı, dep haber etildi.
«Rusiye terrorı toqtatılmalı. Rusiyege sanktsiyalarğa oğramamağa yardım etken er kes cinayetçi ola. Rusiyege qoltutqan er kes yamanlıqqa yardım ete. Bu ve oşağan teraktlar Rusiyege tek bir maqsatnen kerek: genotsid istilâsını bütün dünya içün yañı norma yapmaq. Men er bir lider, bizge qoltutqan er bir halqqa minnetdarım!», – dep bildirdi Zelenskıy.
Harkiv vilâyetiniñ arbiy memuriyet yolbaşçısı Oleğ Sinegubov Rusiye ordusı Kupânsk rayonınıñ Groza tükânında qave ve tükânğa ücüm etti, dep bildirdi.
Rusiye arbiyleri raketa, uçucısızları, topları yetken Ukrayina şeerlerine muntazam sürette ateş aça. Delillerge baqmadan, Rusiye vatandaş ve arbiylerge qarşı cenk cinayetleri alâqası olğanını inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.