Oktâbrniñ 7-ne keçken gece Rusiye arbiyleri Oniks raketalarınen Odesağa ücüm etti. Ücüm neticesinde pansionat, zahire anbarları ve evler zarar kördi. Bunı Odesa vilâyetiniñ arbiy memuriyetiniñ başı Oleg Kiper haber etti.
Onıñ sözlerine köre, cam parçalarından dört adam yaralanğan, olarğa kerekli yardım kösterilgen.
"Duşman Odesa vilâyetine muvaqqat işğal etilgen Qırımdaki Bastion yalı raketa kompleksinden uçurtılğan Oniks raketaları ile ücüm etti. Raketa raatlıq mıntaqasındaki pansionatqa ve liman yanı infraterkibiniñ zahire anbarına barıp urğan", - dep bildire o.
Rusiye arbiyleri raketa, uçucısızları, topları yetken Ukrayina şeerlerine muntazam sürette ateş aça. Delillerge baqmadan, Rusiye vatandaş ve arbiylerge qarşı cenk cinayetleri alâqası olğanını inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.