İşğal etilgen Qırımnıñ Rusiye Yuqarı mahkemesi Aluşta sakinini "Nasizmni reabilitasiya etkeni içün" 2,5 yılğa azatlıqtan marum etti. Bunı yarımadanıñ Rusiye prokuraturası bildire.
Ükümniñ tam metni ve qabaatlavı yoq. Qayd etilgenine köre, Aluşta sakini içtimaiy ağlarda "Rusiye cemiyetiniñ qıymetlerine sayğısızlıqn ve Vatan Qaramanları Kününe sayğısızlıq " ifadelegen tefsirlerni yerleştirgen. Uquq qoruyıcılar ne demek istegenleri belli degil.
Qırımnıñ Yuqarı mahkemesi onı 2 yıl ve 6 ay koloniyada qalmasına üküm etti ve saytlarnı idare etmege ve internette malümat yerleştirmege yasaq etti. Erkekniñ dava ile bağlı izaatları yoq. O, qabaatını tanıdı ya da tanımadı belli degil.