Qayd etilgenine köre, erkek 2022 senesi fevralniñ 24-nden noyabrniñ 8-ne qadar Ukrayinanıñ Dnipropetrovsk vilâyetinde SBU hadiminiñ reberliginde patlayıcı maddelerni azırlamaq ve qullanmaq ögrenüvini keçti. Soñra, 2023 senesi iyün ayında, Ukrayina mahsus hızmetiniñ hadiminden patlayıcı maddeleri ve onıñ azırlanuvı aqqında malümatnı aldı.
2023 senesi avgust ayında Rusiye Federal teşkerüv hızmeti şu yılnıñ iyün ayında Qırımda gaz borusını patlatqan 43 yaşındaki adamnı tutqanını bildirdi. Rusiye havfsızlıq küçleri bildirgenine köre, qabaatlanğan adam iyün 23 künü Koreiz köyünde gaz borusını patlatqan.
Bu işnen oğraşqan adamnıñ adı kösterilmey. FSB tutulğan adamnıñ Rusiye vatandaşlığı olğanını idda ete. Qırım.Aqiqat bunı tasdıqlap olamay. Ukrayina tarafı bu malümatqa iç bir şey bildirmedi.
2023 senesi iyün 23-te Koreizde gaz boru yolunıñ zararlanuvı sebebinden 500 abonent gazsız qalğanı aqqında haber etilgen edi. Rusiye akimiyeti zararnıñ sebebini aytmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.