Rusiye Federatsiyasınıñ cezahanelerinde işğal etilgen Qırımdan 177 siyasiy mabüs cezasını çekmekte, olardan 108-i qırımtatar halqınıñ vekilleri. Bunı Qırımtatar resurs merkezi bildire.
"177 qırımlı siyasiy mabüs Rusiye koloniyasında cezasını çekmekte, olardan 108-i tamır qırımtatar halqınıñ vekilleri", — dep aytıla haberde.
Umumen, aq qorçalayıcılarnıñ qayd etkenine köre, işğal vaqtında 371 siyasiy sebeplerden apiske alınuv ve cinaiy davalar boyunca taqip etilüv adisesi qayd etildi, olardan 229-i qırımtatar halqınıñ vekillerine nisbeten.
- maküm etilgen ve cezahanede cezasını çekkenler (177, 108-i qırımtatar)
- sıñırlavları ya da sınav müddeti bar (49, 25-i qırımtatar)
- SİZO-da bulunğanlar (54, 33-ü qırımtatar)
- azat etilgenler (57, 35-i qırımtatar)
- taqip etile (34, 28-i qırımtatar)
Qırımtatar resurs merkeziniñ bildirgenine köre, 2017 senesinden berli Rusiye tarafından ilhaq etilgen Qırımda 10 018 insan aqlarınıñ bozuluvı qayd etildi, 6 730-ı qırımtatar halqınıñ vekillerine nisbeten.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.