Rusiye arbiyleri Harkivge darba endire, dep bildirdi sentâbrniñ 24-nde şeer yolbaşçısı İgor Terehov.
«Duşman KABlarnen şeerniñ eñ çoq insan yaşağan rayonlarından birine darbe endire. Muqayt oluñız», – dep yazdı o, Telegram kanalında.
Terehov Harkivniñ dört memuriy rayonında oldı, dep qoştı. «Hızmetler yaralanğanlar ve yıqılğan binalar aqqında malümat toplay. Amma köremiz ki, şeerniñ mesken rayonları bombalar altında. Muqayt oluñız: avada KABlar bar», – dep tenbiledi şeer yolbaşçısı.
Terehov, ilk malümatqa köre, KABlar Harkivniñ Kiyev ve Saltov rayonlarındaki eki mesken çoq qatlı binağa ücüm etti.
«İlk malümatqa köre, ne yazıq ki, elâk olğanlar bar», – dep qoştı o.
Vilâyetniñ arbiy memuriyet yolbaşçısı Oleg Sinegubov üç kişi elâk oldı ve 15 insan yaralandı, dep bildirdi. «İnsanlar yıquvlar altında qala. Çoq qatlı binalardan birine ücüm etildi», – dep qoştı o.
Rusiye arbiyleri Ukrayina regionlarına çeşit silâlardan muntazam surette ücüm ete. Delil ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümlerni red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayeti olaraq tasnif etip, belli maqsadları bar, dep qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.