Boşnıñ 11-ne keçken gecesi Rusiye arbiyleri X-59/69 idare etilgen ava raketası ve 163 ücüm dronunen Ukrayinağa ücüm etti, olardan 91-i "Şahed" sınıfınıñ reaktiv dronları edi, dep haber ete Ukrayina aviasiyası. Ava quvetleriniñ malümatına köre, dronlar Rusiyeniñ dört tarafından ve işğal etilgen Qırımdaki Sarabuzdan uçurıldı.
İlk malümatqa köre, saat 08:00-ge köre, ava mudafaası 14 "Banderol/Dan-T" ve duşmannıñ 130 "Şahed" tipli BPLA-sını (olardan 72-si reaktiv), "Gerbera" ve diger dronlarnıñ çeşitlerini urıp tüşürdi/bastırdı.
Ukrayina aviasiyasınıñ malümatına köre, 17 yerde urulmalar, yedi yerde ise parçalarnıñ tüşmesi qayd etildi.
Ukrayina aviasiyasınıñ malümatına köre, 17 yerde urulmalar qayd etildi, em de yedi yerde yıqıntılar tüşti.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.