Rusiye ordusı bu gece 146 dron ve ballistik raketa qullanıp Ukrayinağa ücüm etti, dep haber etti qara qış ayınıñ 28-i sabasında Ukrayina Silâlı Quvetleriniñ Ava quvetleri.
Hususan, Rostov vilâyetinden "İskander-M" raketası, Rusiye Federatsiyasınıñ Kursk, Orla, Primorsk-Ahtarsk şeerlerinden ve işğal etilgen Qırımnıñ Çauda ve Sarabuzdan "Şahed", "Gerbera", "İtalmas" ve diger türlü dronlar atıldı.
"İlk malümatqa köre, saat 9-da olpan malümatqa köre, ava mudafaası quvetleri memleketniñ şimalinde, cenübinde, merkezinde ve şarqında duşmannıñ 103 "Şahed", "Gerbera" ve diger çeşit BPLA-larını urıp tüşürdiler ya da bastırdılar", — dep, haber eteler Ukrayin askerleri.
Ukrayina Silâlı Quvetlerniñ Komandanlığı 22 yerde ballistik raketa ve 36 ücüm BPLA urulğanını qayd etti.
Kıyiv vilâyetiniñ akimiyeti bu gece Rusiyeniñ ücümi neticesinde eki adamnıñ ölümi aqqında haber etti.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.