Oktâbrniñ 30-na keçer gecesi Rusiye arbiyleri darbe uçucısızları, ava, yer ve deñiz raketalarını qullanıp, Ukrayinanıñ kritik infrastruktura obyektleri darbe endirdi, dep haber ete Ukrayina Silâlı quvetleriniñ Ava küçleri.
“Umumen Ava küçleriniñ radiotehnik orduları 705 ava ücüm vastasını qayd etip taqip etti – 52 raketa (doquzı – “ballistik”) ve 653 çeşit uçucısız (tahminen 400-ü – Shahed):
- Rusiyede ve işğal etilgen Qırımnıñ Çavda burnundan 653 darbe Shahed, Gerber (diger uçucısızlar) darbe uçucısıları;
- Dört H-47M2 "Kinjal" aerobalistik raketası;
- Beş İskander-M/KN-23 ballistik raketası;
- Sekiz “Kalibr” qanatlı raketası;
- Eki “İskander-K” qanatlı raketası;
- 30 X-101 qanatlı raketası;
- eki X-59/69 aviatsion raketası;
- Bir X-31P aviatsion raketası (Qara deñizden).
Ava küçleriniñ haberine köre, 592 dron zararsız alğa ketirildi, yedi “Kalibr” raketası, bir “İskander-K” raketası, 21 X-101 raketası ve eki H-59/69 raketası.
“20 yerde 16 raketa ve 63 darbe uçucısızınıñ darbesi qayd etildi ve 19 yerde tüşürilgen uçucısızlarnıñ parçaları tüşti. Bundan ğayrı, üç duşman raketası (saat 11:30-ğa qadar) coyuldı, tüşken yerleri ve aqibetler ögrenile”, – dep aytıla haberde.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.