"Dnipro rayonında raketa darbesiniñ neticesinde çoq qatlı tibbiy merkezniñ binası zararlandı. İlk olaraq, dört kişi elâk oldı, daa üçü yaralandı. Binanıñ qısmen yıqıluvı", — dep yazdı o telegram-kanalında. Dağıntılarnı temizlemek ve insanlarnı qıdırmaq devam ete.
Bu aqta Kıyevde bir künde beşinci kere ava telükesi ilân etilgen soñ belli oldı.
Mayısnıñ 8-nde saba Rusiye orduları çeşit çeşit 40 raketanı qullanıp, Ukrayinağa ücüm etti. Hususan, Kıyiv, Dnipro, Krıvıy Riğ ve Donbasnı urdılar. Ukrayina iç işler naziri İğor Klımenko malümatına köre, Rusiyeniñ Ukrayinağa ücüm etüvi neticesinde eñ azından 20 insan elâk oldı, 50-ge yaqın yaralandı.
Rusiye arbiyleri Ukrayina regionlarına çeşit silâlardan muntazam surette ücüm ete. Delillerge ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümni red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.