Bu malümatqa köre, energetik sistemasınıñ büyük bozuluvları ve büyük yarıq söndürüvleri Rusiyeniñ cenübinde Rostov AES blokunıñ ağından qaza neticesinde söndürilgen soñ oldı. "Rosenergoatom"da bildirdiler ki, "qoruv çalıştı", amma ne sebepten olğanını aytmadılar.
Bu sebepten elektrik energiyasınıñ sıñırlanması Rusiyeniñ eñ büyük cenübiy şeerleri Krasnodar, Rostov-na-Donu, Taganrog, Elista, Anapa, Armavir, Gelendjik, Novorossiysk ve Stavropolge tesir etti. Bir qaçında cemaat naqliyatınıñ işi sıñırlanğan.
İşğal etilgen Qırımda yarıqnıñ söndürilüvini anomal sıcaqnen añlatalar. Yarımadanıñ bir qaç şeerinde vaqtınca elektrik energiyasınıñ berilmesi cedveli kirsetildi, Aqyarda trolleybus işini toqtattılar.
Bundan evel haber etilgenine köre, Qırım ve Aqyarda ağlarnıñ aşırı yüklenmesi sebebinden elektrikler kesile. Yalta, Aluşta, Sudaq, Kefe, Keriç ve diger meskün yerler söndürildi.
Daa evel Qırımnıñ bir çoq rayonında yarıqnıñ kesilmesi yüz berdi. Yalta, Kezlev, Aluşta, Aqmescit qısmen ışıqsız qaldı. Qırımnıñ Rusiye yolbaşçısı Sergey Aksönovnıñ bildirgenine köre, elektrik energiyasınıñ söndürilüvi anomal sıcaq ava ile bağlı.
Qırımda iyül 15-19 künleri +38 derecege qadar anomal sıcaq sebebinden furtuna havfı ilân etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.