Kıyivde İlk yaznıñ 15-nde gece yapılğan Rusiye ücümi neticesinde dört insan elâk oldı, 25-i, şu cümleden eki bala, yaralandı, dep bildirdi Ukrayina Fevqulâde vaziyetler devlet hızmeti.
Şeer yolbaşçısı Vitaliy Kliçkonıñ bildirgenine köre, ücüm neticesinde şeerniñ aman-aman er bir rayonında yanğın ve zarar kördi: qaza-qutqaruv hızmetleri aman-aman 50 yerde çalışa.
Bundan ğayrı, onıñ aytqanına köre, elektrik ağları bozulğan ve Kıyivniñ şimaliy qısmında 140 biñ abonent yarıqsız qaldı.
Fevqulâde vaziyetler devlet hızmetiniñ malümatına köre, Obolon rayonında maşnalar yanıp başladı, mesken evlerde ve anbarlarda yanğınlar çıqtı, 9 qatlı mesken bina darbege oğradı.
Qurtarıcılarnıñ malümatına köre, 9 qatlı mesken evlerge ücümler Solomensk ve Desnânsk rayonlarında da qayd etildi. Bundan ğayrı, yıqılğan parçalar neticesinde üç şahsiy ev yıqıldı, açıq topraqlarda ve tasil obyektlerinde yanğın oldı.
Darnıtsâ rayonında da şahsiy evlerde yanğınlar oldı.
Fevqulâde vaziyetler devlet hızmetiniñ malümatına köre, Peçersk rayonında 17 qatlı mesken binası darbege oğradı, eki kere urulğan ateş neticesinde Kıyiv-Peçersk lavrası territoriyasında yanğınlar çıqtı. Vitaliy Kliçko qayd etti ki, Uspenkıy katedral kilsesiniñ damı yandı.
Bundan ğayrı, yanğınlar ve evlerniñ zarar körmesi Şevçenko, Ğoloseyevo, Svâtoş ınve Dnipro rayonlarında qayd etildi.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.