Ukrayina Arbiy-ava quvetleriniñ bildirgenine köre, boş aynıñ 5-ne keçken gecesi territoriyasına, şu cümleden "Şahed" ve "Gerber" adlı 80 uçucısız uçaq qullanıp, ücüm etti. Olardan 50-ge yaqını "Şahed"ler edi.
İlk malümatqa köre, saat 09:00-ğa qadar ava mudafaası memleketniñ şimalinde, cenübinde ve şarqında 61 duşmannıñ "Şahed", "Gerber" ve diger dronlarını urıp tüşürdi ya da bastırdı. Ukraina arbiyleri, yedi yerde 18 pilotsız uçqan cihaz urulğanını, eki yerde ise urulıp tüşürilgenlerniñ parçalarını qayd etti.
Olar, Rusiyeden uçurılğan uçaqlarnıñ bir qısmı alâ daa avadafır, dep tenbileyler.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infraterkibine, vatandaş ealisini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.