Rusiye ordusı Zaporijjâ vilâyetiniñ işğal etilgen qısmından Ukraynı vatandaşları ve Ukrayına müessiseleriniñ mal-mülkini Qırım tarafına çıqara, dep bildire Ukrayına Silâlı quvetleriniñ Baş ştabı.
«Rusiye işğalcileri vaqtınca zapt etilgen Zaporijjâ vilâyetiniñ topraqlarında Ukrayına vatandaşları, müessise ve devlet müessiselerini çaypamağa devam ete. Çatışma yerine yaqın mesken yerlerden hırsızlağan mulkni alıp ketmek içün zaptçılar yerli işbirlikçiler arasında aydavcı ve yük maşinalarınıñ saiplerini celp ete. Episini Qırım Muhtar Cumhuriyetine alıp keteler», – dep aytıla haberde.
Cenk vaziyetinde bu malümatnı diger menbalarda tasdıqlamaq imkânsız ola.
Ukrayına Silâlı quvetleriniñ Baş ştabı bildirgenine köre, Zaporijjâ vilâyetiniñ işğal etilgen qısmından Rusiye tarafı işğalci akimiyetni, halq milisi ve qorantalarını tahliye ete.
Mayısnıñ 5-nde Rusiye kontrolindeki işğal etilgen Zaporijjâ vilâyetiniñ akimiyeti cebege yaqın 18 mesken yerniñ tahliyesi aqqında bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.