Olar qayttı: Rusiye esirliginde olğan Ukrayına arbiyleriniñ fotoresimleri

Soldan sağğa: Denıs Prokopenko («Redis»), Ukrayına Milliy gvardiyasınıñ «Azov» mahsus bölüginiñ ayrı otrâd komandanı ve 2022 senesi aprel ayında «Azovstal» zavodında deñiz piyadesiniñ 36-ncı ayrı brigadasınıñ komandan vazifelerini eda etken Serğiy Volınskıy («Volına»)

«Azov» polkunıñ komandanı Denis Prokopenko ve deñiz piyadesi 36-ncı ayrı brigadasınıñ komandanı vazifelerini eda etken Sergey Volınskiy Ukrayına Tış işler naziri Denis Monastırskiy ile 2022 senesi sentâbrniñ 22-nde esirlikten azat etilgen soñ kelgen Türkiyede laf eteler. Olar azat etilgen diger komandanlarnen beraber anda Türkiye prezidenti Recep Tayyip Erdoğannıñ imayesinde cenkniñ soñuna qadar qalacaqlar.

«Azov» polkunıñ komandan muavini Svâtoslav Palamar («Kalina») «Azovstal» zavodında 2022 senesi aprel ayında video muracaatı vaqtında

Rusiye ve Ukrayına arasındaki esirlerni deñiştirüv neticesinde azat etilgen «Azov» polkunıñ komandan muavini Svâtoslav Palamar Türkiyede telefonda laf ete

«Azovstal» foto ve videolarınen meşur «Azov» polkunıñ askeri Dmıtro Kozatskıy («Orest»)

Katerına Polişçuk («Ptaşka») – Ukrayına Milliy gvardiyasınıñ göñülli sağlıq hadimi. «Azovstal» «quşçığınıñ» yırlağanı zavod yeraltlarında imayecilerniñ ruhını kötere edi

Katerına Polişçuk azat etilgen soñ anasınen telefonda laf ete, 2022 senesi sentâbrniñ 21-i

Rusiye esirliginde olğan Mariupolniñ patrul polis yolbaşçısı Mıhaylo Verşinin

Mıhaylo Dianov, Donetsk vilâyetiniñ Mariupol şeerindeki «Azovstal» zavodında 36-ncı brigadasınıñ üyken serjantı. Dmıtro Kozatskıy çıqarğan yaralanğan qolu fotoresimi bu yıl baarde içtimaiy ağlarda tarqatıldı

Azat etilgen Mıhaylo Dianov, 2022 senesi sentâbrniñ 21-i

Bogdan Kroteviç, qırımlı (Aqmescitli), «Azovstal» zavodında «Azov» polkunıñ askeri

İlya Samoylenko, «Azov» komandanlarından ve spikerlerinden biri, «Azovstal» çıqışlarınen meşur oldı

Oleksandr Kravtsov, «Azov» polkunıñ «Ayuvlar» bölüginiñ komandanı

Andriy Korınevıç, «Azov» polkunıñ askeri

Mağripli Bragim Saadun, 2021 senesi Ukrayına Silâlı quvetlerine qoşuldı. Bu yıl baarde esir tüşti. Rusiye kontrolindeki «DNR» onı ve daa eki ecnebiyni – Büyük Britaniya vatandaşları Eyden Eslin ve Şon Pinnerni ölümge üküm etti. Esirlikten azat etilgen soñ o, işğal etilgen Ukrayına topraqlarını terk etip, Saudiy Arabistanğa yol aldı.

Büyük Britaniya vatandaşları Eyden Eslin ve Şon Pinner ve Mağripli Bragim Saadun 2022 senesi iyünniñ 9-nda işğal altındaki Donetskniñ sahte «mahkemesinde», «DNR» olarğa ölüm ükümlerini çıqardı

«Azovstalden» esirlikten azat etilgen beş komandan: deñiz piyadesi 36-ncı ayrı brigadasınıñ komandanı vazifelerini eda etken Sergey Volınskiy («Volına»); «Azov» polkunıñ komandan muavini Svâtoslav Palamar («Kalına»); «Azov» polkunıñ komandanı Denis Prokopenko («Redis»); komandan rotasınıñ komandanı, «Azovstal» komandanlığını yapqan Oleg Homenko; Dmıtro Vışnevetskıy 12-nci operativ brigadasınıñ komandanı Denis Şleğa

Rusiye ve Ukrayına arasındaki esirlerni deñiştirüv neticesinde azat etilgen Ukrayına arbiyleri. Bu episi degil, kimligini bilgen Ukrayına imayecilerimizdir