Qırımtatar Milliy Meclisiniñ reisi Refat Çubarov işğal etilgen Aqmescitte Ukrayinağa qarşı cenk iştirakçileriniñ analarına abide qoymaq niyetini izaatladı.
"Rusiye dünyası" başqalarnıñ zapt etken toprağına sıçmasa olmaz. Bu sefer işğal etilgen Aqmescitte "Qırımtatar arbiy cenki qaramanlarınıñ anaları" abidesini quracaqlar. Qırım Rusiye tarafından zapt etilgeninden berli bir çoq şeyni kördi. Amma qatillerni doğurğan ve östirgen "analar"ğa abide daa yoq edi. Varvarlar", — dep yazdı Çubarov öz telegram kanalında.
Daa evel "Qaramannıñ apayı ve anası. Qırım" teşkilâtınıñ idare yolbaşçısı Alöna Labunets aytqanı kibi, abidede yerli arbiy bölükler ve Qırım qaramanlarınıñ prototipleri kösterilecek.
Daa evel Kefede 2-nci mahsus mektepniñ fasadına Ukrayinağa qarşı cenkte elâk olğanlarğa bağışlanğan levha qoyuldı. Qayd etilgenine köre, İgor Tişçenko bu mektepte 9 sınıfnı bitigen. Rusiye istilâsı başlağan soñ ise RF ordusınıñ saflarına kirgen.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.