Rusiye arbiyleri dekabrniñ 23-ne keçer gecesi Rusiyeniñ bir qaç yönelişinden ve Qırımdaki Çavda burnundan uçurılğan 38 raketa ve 400-ü Shahed olğan 635 uçucısıznı qullanıp, Ukrayina kritik infrastruktura obyektlerine büyük darbe endirdi, dep haber etti Ukrayina Silâlı quvetleriniñ Ava küçleri.
Ukrayina arbiyleriniñ aytqanına köre, raketalarnı aytsaq, üç X47M2 Kinjal aerobalistik raketası ve 35 X-101 qanatlı raketası, "İskander-K" qayd etildi.
"İlk malümatqa köre, saat 11:30-ğa qadar ava mudafaası 621 ava şinanını urdı/bastırdı: 587 duşman Shahed, Gerber uçucısızı (diger uçucısızlar); 34 X-101 qanatlı raketası, "İskander-K", – dep aytıla haberde.
Ukrayina Silâlı quvetleriniñ Ava küçleri qayd etkenine köre, üç aerobalistik raketası maqsadına irişmedi, ve tüşken yerleri aytılmay.
"21 yerde raketalar ve 39 darbe uçucısızınıñ ücümi qayd etildi, 8 yerde tüşkenlerniñ parçaları", – dep bildirdi Ukrayina arbiyleri.
Rusiye ordusı gece Ukrayinağa uçucısızlarnen ücüm etti, saba Ukrayina Silâlı quvetleriniñ Ava quvetleri Rusiye raketalar da uçurdı, dep bildirdi. Bütün Ukrayinada ava telükesi ilân etildi. Ukrayina vilâyetlerinde dekabrniñ 23-nde saba elektrikler kesildi.
Eñ az üç kişiniñ ölümi aqqında belli. Kyiv vilâyetiniñ arbiy memuriyeti bir elâk olğan ve üç yaralanğan aqqında haber etti. Jıtomır vilâyetinde Rusiye darbesi neticesinde bala elâk oldı, Hmelnıtskıy vilâyetinde de bir kişi elâk oldı, dep haber etile. Kyivde beş kişi yaralandı.
Ükümetniñ malümatına köre, darbe vaqtında eñ çoq ğarbiy vilâyetlerde energetika obyektleri zarar kördi. Ukrayina energetika nazirliginiñ haber etkenine köre, Rivne, Ternopil ve Hmelnıtskıy vilâyetleri aman-aman bütünley elektriksiz qaldılar, Vinnıtsâ, Çerniğiv, Jıtomır, Donetsk, Dnipropetrovsk ve Harkiv vilâyetlerinde de ateşlerden sebep söndirüvler bar.