Sentâbrniñ 26-nda gece ve saba Ukrayina askerleri Rusiye tarafından atılğan 66 ücüm dronını ve dört H-59/69 idare etilgen raketanı urıp tüşürdil, dep haber ete Ukraina Silâlı Quvetleriniñ Ava küçleri.
«2024 senesi sentâbrniñ 26-na keçer gecesi duşman Rusiye Federatsiyasınıñ Belgorod vilâyetinden belli olmağan eki raketanen Sumı vilâyetine, Qara deñizden kelgen dört H-59/69 idare etilgen uçaq raketasınen Odesa vilâyetine ücüm etti. İşğalciler aynı vaqıtta bütün Ukrayinağa «Şahed» çeşitli 78 ücüm uçucısızını attı (çıqqan yerler: Primorsko-Ahtarsk, Örel, Kursk – Rusiye Federatsiyası)», – dep qayd etile haberde.
Ukrayina Silâlı Quvetleri Ava Küçleriniñ malümatına köre, Ukrayinanıñ bir qaç regionında daa sekiz dron ğayıp oldı, bir danesi Rusiyege qayttı, digeri Ukrayina ava boşluğında qaldı, «cenk işi devam ete».
Ava mudafaası Dnipropetrovsk, Harkiv, Kyiv, Çerkası, Kırovoğrad, Vinnıtsâ, Hmelnıtskıy, İvano-Frankivsk, Sumı, Poltava, Mıkolayıv, Odesa, Herson ve Harkiv vilâyetlerinde çalıştı, dep qoştı Ukraina Silâlı Quvetleri.
Sentâbrniñ 26-sı gecesi ve sabasında Ukrayina regionlarınıñ çoqusı Rusiyeniñ «Şahed» dronları yardımınen ava ücümine oğradı.
Kyivniñ Peçersk rayonında saba beş qatlı binanıñ birinci qatında yanğın oldı, 20-ge yaqın maşina zarar kördi.
Rusiye küçleri daima çeşit türlü silâ qullana – ücüm uçucısız, raketa, tüzetilgen ava bombaları, toplu ateş reaktiv sisteması – Ukrayina regionlarına ücüm eteler.
Rusiye reberligi Rusiye ordusı Ukrayina şeer ve köyleriniñ vatandaş infrastrukturasına maqsatlı ücümler yapqanını, sakinlerni öldürgenini ve hastahane, mektep, bala bağçaları, energetika ve suv teminatı obyektlerini yıqqanını inkâr ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayeti olaraq tasnif etip, belli maqsadları bar, dep qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.