Rusiye arbiyleri Ukrayına Silâlı quvetleriniñ qarşı ücümini yavaşlatmaq içün Qırımda küçlü fortifikatsion okoplarnı qurdı. Bu aqta Qırım.Aqiqat jurnalistleri haber ete.
Fortifikatsiyalarnen quvetleştirilgen region – yarımadanıñ şimali. Memuriy sıñırdan Canköyge qadar er yer yañı okoplarnen tola.
«Olar pek küçlü müendis ve fortifikatsion inşaatlar ağını qurdı. Bular mantıqlı bir şekilde qurulğan Ukrayınanıñ qarşı ücümini yavaşlatmaq içün yapıla… Ebet, Ukrayına ordusı içün bu tirenüvden keçmege qolay olmaycaq», – dep qayd etti Vladıslav Seleznev, arbiy ekspert, Ukrayına Silâlı quvetleriniñ polkovniki.
Bir buçuq aydan soñ Qırımnıñ şimalindeki Filatovka köyü yanında daa çoq okoplar oldı ve olarnı birleştirdiler. Uydu resimlerinde körüngeni kibi, bu yahşı azırlanğan tayama noqtaları, dep añlata Yevgeniy Leşan, Ukrayına Silâlı quvetleriniñ zabiti, qırımlı tedqiqatçı jurnalist.
«Piyade içün ilk sıra ve arqada tehnikanıñ ateş destegi ve, añlağanıma köre, olar bularnı birleştirdiler, yani mudafaa noqtası yahşı azırlandı», – dedi o.
Mayısnıñ 10-nda Azatlıq Radiosınıñ leyhası olğan Qırım.Aqiqat jurnalistleri 2014 senesi Rusiye tarafından işğal etilgen Qırım yarımadasınıñ Rusiye Federatsiyasınıñ 223 çalışqan, muvaffaq ve qapalı arbiy obyektleriniñ haritasını derc etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.