Saban ayınıñ 25-ne keçken gecesi Rusiye quvetleri Ukrayinanıñ territoriyasına Rusiyedeki beş yönelişten ve Rusiye tarafından ilhaq etilgen Qırımnıñ Sarabuz şeerinden 147 dronnen ücüm etti, olardan 80-den ziyadesi "Şahed"ler, dep bildire Ukrayina Arbiy-deñiz quvetleri.
"İlk malümatlarğa köre, saat 08:30-qa qadar ava mudafaası tarafından memleketniñ şimalinde, cenübinde ve şarqında 121 duşmannıñ Şahed, Gerbera, Italmas ve diger dronları urulıp tüşürildi ya da bastırıldı. 18 yerde 24 UAV urulğanı qayd etildi, bundan ğayrı, üç yerde urulğan parçalar tüşti", — denile beyanatta.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.