Rusiye uquq qoruyıcıları Rusiye arbiyleriniñ infrastrukturasına qarşı yapılğan soñki darbelerden soñ Qırım yarımadası sakinleriniñ teşkerüvlerini quvetleştire. Bu aqta Ukrayina milliy tirenüv merkezi (MTM) bildire.
«İşğalciler liman ve arbiy obyektler yanında patrullerniñ sayısını arttırdı. Rusiye gvardiyasınıñ hadimleri yerli ealini teşkere, işğalcilerni cep telefonları ve içindekiler meraqlandıra», – dep aytıla haberde.
MTM qırımlılarnı muqayt olıp, Rusiye quvetleriniñ yerlerini, anbar ve logistika aqqında malümatnı çat-bot ya da sayttaki mahsus bölük vastasınen bermege çağırdı.
Rusiyede ve onıñ tarafından işğal etilgen topraqlarda quvetçiler Ukrayına tarafdarlarını taqip ete. Rusiye tarafdarı qırımlı bloger Aleksandr Talipov öz telegram kanalında Ukrayınağa qoltutqan qırımlılarnıñ şahsiy malümatlarını derc ete. Böyle şikâyetlerniñ neticesinde qırımlılar tutula ve Rusiye ordusınıñ «areketini yaramaylaştırğanı» içün memuriy ve cinaiy mesüliyetke çekile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.