Rusiye uquqçısı Mark Feyginniñ bildirgenine köre, oktâbrniñ 3-nde apishane nezaretçileri oña mabüs, Ukraina jurnalisti Roman Suşçenkonen körüşmege izin bermedi.
«Maña nevbette birinci olsam da, Roman Suşçenkoğa kirmege izin bermediler, üküm işke tüşürilgen eken, men ise Ceza-protsessual kodeksiniñ 49-ıncı maddesi boyunca imayeci olıp, Suşçenkonı ziyaret etip olamayım. Romanğa apishanede basqı yapmaq içün meni statustan marum qaldırdılar», – dep yazdı Feygin Twitterde.
Итак, только что меня не пустили к Роману Сущенко, хотя я был первым в очереди, под предлогом, что приговор вступил в силу, а я являясь защитником по ст.49 УПК не могу посещать теперь Сущенко. Именно для этого и лишали меня статуса, чтобы начать давить на Романа в тюрьме.
— Mark Feygin (@FeyginMark) 3 октября 2018 г.
«Ukrinform» haber agentliginiñ Parij mühbiri Roman Suşçenko Rusiyede casuslıq yapqanında qabaatlanıp, 12 yılğa üküm etildi.
2002 senesinden başlap Frenkistanda «Ukrinform» agetliginiñ mühbiri olğan Roman Suşçenkonıñ Moskvada Rusiye FSB hadimleri tarafından tutulğanına bıltır sentâbrniñ 30-nda eki yıl oldı.
Rusiye mahsus hızmetleri, onı «Ukraina arbiy istihbaratınıñ hadimi» ve rus ordusı aqqında malümat toplağan polkovnik dep adlandırdı.
Jurnalistniñ aytqanına köre, o, Moskvağa soy-soplarını ziyaret etmege keldi. Ukrainanıñ istihbarat idaresi de Suşçenkonıñ Ukraina istihbaratı ile işbirligi yapqanını inkâr ete. Aq qorçalayıcılar jurnalistke qarşı açılğan davanıñ sebepleri bar olğanını bildire.
Rusiye Yuqarı mahkemesi, Suşçenkonıñ imayesi bergen şikâyet arizasını red etip, ükümni deñiştirmedi.
Jurnalistniñ imayesi Avropa insan aqları mahkemesine muracaat etmege planlaştıra.