Ukrayina prezidenti Volodımır Zelenskıy, Rusiye Federatsiyası ABD-ge Qırımnı Rusiyege ait olğanını tanımaq içün işaret bere, amma Ukrayina öz Anayasasına zıt kelgen adımlarğa iç bir vaqıt barmaz, dep bildirdi.
Bu aqta Zelenskıy jurnalistlernen subetleşken vaqıtta bildirdi, dep haber ete Ukrinform mühbiri.
"Men bellesem, Rusiye Amerikağa Qırımnı tanımasını qabul ettirmek istey. Çünki Ukrayina bunı tanımaycağını añlay", — dep ayttı Zelenskıy.
Bu bağlamda o, cenkniñ bitirilüvi itibarlı ve işançlı olmalı, "tecavuzcı içün mükâfat içün cenkniñ yañı telükelerini doğurmamalı", dep qayd etti.
"Biz, Ukrayina Anayasasına ya da Ukrayina qanunlarına zıt kelgen meselelerni çezmek istegenler olsa, Ukrayina böyle añlaşmalarnı desteklemeycegini aytamız", — dep qayd etti Ukrayina prezidenti.
Bundan evel BMT baş kâtibi Antoniu Guterriş Qırım ve Donbass içün milletlerniñ öz muqadderatını tayin etüv prinsipi qullanıla bilecegini red etti.