Avgustnıñ 12-ne keçken gecesi Qırımğa dronlar ile ücüm etilgen. Bunı Qırımnıñ Rusiye yolbaşçısınıñ mesleatçısı Oleg Krüçkov bildirdi.
"Qırımnıñ farqlı rayonlarında Ava Mudafaası quvetleri işledi", - dep yazdı o.
RF Mudafaa nazrligi yarımada tarafına taba 20 dron uçurtılğanını bildirdi. Olardan 14 Ava Mudafaası quvetleri tarafından yoq etilgen, daa 6-sını REB zararsızlaştırğan.
Ağda Novoozörnoye qasabasına gece ücümi olğanı iddia etilgen videolar yayınlanğan. Şu yerde jurnalistler büyük miqdarda Rusiye arbiy tehnikasıñ yerleşmesini qayd etken ediler.
Muaaririyet bu malümatnı operativ şekilde teşkerip olamay.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.