Qırımnıñ Rusiye parlamenti binası yanındaki haber levhası, Aqmescit
#LiberateCrimea Qırım faalleri bildirgenine köre, bu kibi kampaniya ealiniñ havfsızlığı içün kerçek bir qayğı degil, diqqatnı başqa yönelişke alıp ketken siyasiy usul ola.
"Qırımda Rusiye tarafdarları arasında bile akimiyetniñ Rusiye firqasından memnüniyetsizlik arta. Qırımlılarnı fiyatlarnıñ tez artması qasevetlendire. İnsanlar daa çoq kerekli şeyler içün bile iqtisat etmege mecburlar. Ve bunıñnen akimiyet partiyasını qabaatlaylar. Şunıñ içün Qırım birdemligi "qanunsız areketlerge azırlıq" haber kampaniyasını başlattı. Nezaret altındaki kütleviy haber vastaları terroristik telükelerniñ mevzusını kötereler, bücet teşkilâtları ve şahsiy mülkiyet şirketleri de bu ikâyelerni ilerilete. Bütün bular insanlarnı qorquzmaq, diqqatnı müim meselelerden ayırmaq ve böyleliknen nevbetteki sahte saylavlarda reylerniñ çoqluğını qazanmaq içün yapıla", — dep tarif ettiler #LiberateCrimea qırımlı faalleri.
Faallerniñ qayd etkenine köre, Rusiye akimiyeti qırımlılarnı, hususan bücet vekillerini, sentâbr saylavlarına kelmege mecbur ete.
Aqmescitteki trolleybüste Rusiye saylavlarınıñ reklaması
Qırımda saylavdan evel teşviqatnıñ yarışı olmağan şaraitlerine de narazılıq bildireler.
Sentâbr 6-8 künleri işğal etilgen Qırımda Rusiye akimiyeti Qırımnıñ Rusiye parlamenti ve yerli şuralarğa deputat saylavlarını keçirmege planlaştıra. Ukrayina ve demokratik halqara toplulıq Qırımda Rusiye saylavlarınıñ keçirilmesini qanunsız, ukrayin ve halqara uquqnı bozğan saymaqta.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.