Rusiye yaşı 60-tan büyük olğan 17 qırımlı ve ukrayinalı faalni azatlıqtan marum etüv yerlerinde tuta. Bu malümatnı Qırımtatar resurs merkezi derc etti. Rusiye mahkemeleri çoqusına 5 yıldan 18 yılğa qadar apis cezasını berdi.
Qırımtatar resurs merkezi esli-başlı mabüslerniñ cedvelini aydınlattı:
Abbozov Seitâga — 66 yaşında
Aliyev Renat — 60 yaşında
Bekirov İnver — 61 yaşında
Gaziyev Servet — 64 yaşında
Göldenberg Valeriya — 63 yaşında
Dovgopolaya Galina — 69 yaşında
Eyupov Azamat — 61 yaşında
Kiselev Aleksey — 60 yaşında
Litvinük Aleksandr — 63 yaşında
Maladıka Vladimir — 62 yaşında
Mambetov Halil — 69 yaşında
Muratov Zekirya — 67 yaşında
Nagayev Ruslan — 60 yaşında
Ömerov Enver — 62 yaşında
Prihodko Oleg — 66 yaşında
Seydaliyev Nasrulla — 64 yaşında
Tsıgipa Sergey — 63 yaşında
«Qırımtatar resurs merkezi siyasiy mabüslerniñ yaşına baqılsa, böyle cezalar olar içün ölüm ola bile, dep qayd ete. Bundan ğayrı, er bir siyasiy mabüsniñ ağır ve hronik hastalığı bar, SİZO ve apishane şaraitlerinde daa çoq belli ola, uquq qoruyıcı organları şikâyetlerine qulaq amay, kerekli ve vaqtında tibbiy yardım kösterilmey», – dep qayd ete Qırımtatar resurs merkezi.
Qırımtatar resurs merkezi qayd etkenine köre, «mabüslerge munasebet qaidelerine köre, episiniñ muntazam tibbiy yardım aqqı bar, ebet, onı alamaylar. Koloniya ve apishanelerde esli-başlı insanlar içün büyük apis cezaları ayrı bir işkence çeşiti ola».
Qırımtatar resurs merkezi Rusiye Federatsiyasından «yuqarıda qayd etilgen şahslarnıñ episini ve Kremlniñ diger siyasiy mabüslerini tez vaqıtta azat etmesini, em de işğal etilgen Qırımda insan aqlarını sistematik şekilde bozuluvını toqtatmağa» talap ete.
Qırımtatar resurs merkezi 2024 senesi avgustnıñ 27-ne qadar Qırımnıñ ilhaqından berli 356 siyasiy sebeplerden qırımlılarnıñ taqip etilüvi qayd etildi, olardan 222 — qırımtatarlarğa qarşı, dep bildirgen edi.
ZMINA İnsan aqları merkezi Tetâna Peçonçık tarif etkenine köre, Qırımda Rusiye akimiyeti tarafından devlet hainligi (Rusiye Federatsiyası Ceza kodeksiniñ 275-inci maddesi) ve çetel devletinen işbirligi (Rusiye Federatsiyası Ceza kodeksiniñ 275.1-inci maddesi) maddelerine istinaden qabaatlav sayısı arttı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.