Rusiyeniñ Rostov vilâyetindeki Salskte dronlarnıñ gece ücümi sebebinnen demiryol stantsiyasında yanğın çıqtı, dep bildirdi vali vazifelerini eda etken Yuriy Slüsar.
Rusiye demiryolları uçucısız parçaları tüşken soñ Salsk stantsiyasında bağ ağınıñ işi bozuldı, dep bildirdi. Haberge köre, yolcu treniniñ eki vagonında camlar qırıldı, yük treninde yanğın çıqtı, yaralanğanlar yoq. Salsk stantsiyasından tren areketi toqtatıldı.
Rusiye Telegram kanalları şaatlarnıñ video ve fotoresimlerini derc ete, anda Salsk demiryolunda yanğın körüne.
Qırım.Aqiqat bu malümatnı mustaqil şekilde teşkerip olamay. Ukrayina arbiyleri bunı şimdilik izaatlamadı.
Rusiyeniñ Ukrayinağa qarşı büyük istilâsı başlağan soñ Rusiye regionları ve işğal etigen topraqlar dronlarnıñ ücümlerine muntazam sürette oğray. Ukrayina tarafı böyle darbelerni er vaqıt izaatlamay, amma istilâcınıñ ücüm imkânlarını eksiltmek içün Rusiye ordusınıñ bazalarını zayıflatmağa tırışa.