Rusiyeniñ Rostov vilâyetinde uçucısızlarnıñ parçaları Kamenskiy rayonınıñ Masalovka hutorında ve Tarasov rayonınıñ Dyaçkino slobodasında mustaqil evlerge zarar ketirdi, dep bildirdi noyabrniñ 29-nda gece region yolbaşçısı vazifelerini vaqtınca eda etken Yuriy Slüsar.
Onıñ aytqanına köre, Kamenskiy rayonında sanayı obyektinde yanğın çıqtı. Slüsar tam olaraq ne yanğanını aytmadı, amma Rusiye Telegram kanalları bu cermay bazası olğanını bildire.
Bir gecede Rusiye ava mudafaa quvetleri Rusiye regionlarında 47 Ukrayina uçucısızını urıp tüşürdi, dep bildirdi Rusiye Mudafaa nazirligi. Müessise malümatına köre, 29 uçucısız Rostov vilâyetinde yoq etildi, sekiz danesi – Krasnodar ülkesinde, üçer dane – Belgorod, Brânsk ve Voronej vilâyetlerinde ve bir dane işğal etilgen Qırımda.
2024 senesi başından Rusiyeniñ cermay zavodlarına ukrayin dronları muntazam sürette ücüm eteler. Bazı zavodlarda birinci cermay işletken donatmalar çalışmay edi. Lâkin endi aprel ayında Rusiye esas cermay zavodlarınıñ quvetini qısmen ğayrıdan tikledi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.